Акафист святым преподобным Сергию и Герману, Валаамским чудотворцам

Фото: www.diveevo.ru

Акафист святым преподобным Сергию и Герману, Валаамским чудотворцам


память: 11 июля (28 июня ст. ст.); 24 сентября (11 сентября ст. ст.)

Кондак 1

Возбранным нашего спасения поборником и теплым к Богу молитвенником похвальное Вам, преподобнии, приносим пение. Вы же, яко имущии дерзновение ко Господу, от всяких нас бед свободите, зовущих:
Радуйтеся, Сергие и Германе, отцы преблаженнии.

Икос 1

Ангельски на земли поживше, со ангелы ныне на Небеси водворяетеся, отцы преподобнии, светом трисолнечным осияваеми и божественныя доброты лицезрения наслаждающеся. Темже и нас, чад ваших, память вашу любовию празднующих и с верою под отчий кров ваш прибегающих, у Престола Царя Славы Христа не забудите, вопиющих вам таковая:
Радуйтеся, в радость Господа своего вшедшии: радуйтеся, венцы нетленныя от Него приемшии.
Радуйтеся, Небеснаго Сиона прекраснаго граждане: радуйтеся, вечнаго Царствия Христова наследницы.
Радуйтеся, в жизни земней единаго Христа всем сердцем возлюбившии и Того единаго взыскавшии: радуйтеся, любве ради Его вся преобидевшии и мира красная презревшии.
Радуйтеся, непрестанным божественным рачением превыше видимых воспарившии: радуйтеся, деянием видение стяжавшии.
Радуйтеся, уми зрящии Бога: радуйтеся, неусыпныя молитвы источницы.
Радуйтеся, Валааму изрядная похвало: радуйтеся, миру светильницы.
Радуйтеся, Сергие и Германе, отцы преблаженнии.

Кондак 2

Видяще преподобнии земныя доброты непостоянное и славы жития сего суету, Отечество свое и сродники и други оставиша, и от полуденныя страны к чуждему и хладному северу устремишася. Христови бо тщахуся невозбранно послужити, поюще Ему: Аллилуиа.

Икос 2

Разума духовнаго и земли безстрастия обетованныя взыскующе, Авраамлю произволению подражасте, преподобнии, землю Отечества своего оставльше и в пустыни сей бывше пришельцы. Темже даже и доднесь святая обитель Валаамская, на пажити вашей вселящися, неустанно вопиет вам сердцем и усты:
Радуйтеся, семя святое, земли сея стояние: радуйтеся, людей, окрест живущих, Христови присвоение.
Радуйтеся, безплодную пустыню сию слез своих теченьми вспоившии: радуйтеся, хладную страну сию молитв теплотою согреявшии.
Радуйтеся, славии доброгласнии, райскую весну от полудня нам принесшии: радуйтеся, греческаго кедра отрасли избранныя, иночества сад в горе сей прорастшыя.
Радуйтеся, яко Христа стяжасте в сердцы своем: радуйтеся, яко Троицы явистеся чистое жилище.
Радуйтеся, привременными вечная купившии: радуйтеся, тленными нетленная наследовавшии.
Радуйтеся, богатства неиждиваемаго блазии рачители: радуйтеся, бисера добраго велицыи купцы.
Радуйтеся, Сергие и Германе, отцы преблаженнии.

Кондак 3

Силе от Вышняго предложению вашему приложшейся, не всуе труждастеся, преподобнии: Той бо бе вам стена крепка от лица вражия, камень терпения и мужества сподвижник. Духом же Его услаждаеми и от силы в силу восходяще, сподобистеся и части избранных Его, с нимиже зовете: Аллилуиа.

Икос 3

Имуще ум богоприятен и ангеловидное свое обещание непоколебимо на краесекомом камени веры во Христа, не разслабеша в подвизех своих преподобнии, ни возвратишася вспять к памяти прежняго жития мирскаго, но подъятый на ся крест даже до смерти понесоша и вся Христа ради сладце претерпеша. Сего ради и Бог я облагодати и ангельски зрети Его чистым сердцем сподоби, да и мы, житию их подражающе, усердно зовем к ним:
Радуйтеся, гласа Евангелскаго истиннии послушницы: радуйтеся, Закона Христова усерднии творцы.
Радуйтеся, Господу своему до смерти послужившии: радуйтеся, язвы Его выну на теле своем носившии.
Радуйтеся, яко Царствия ради Небеснаго ни в чесом же самих себе пощадили есте: радуйтеся, яко ангельским образом облекшеся, до конца брань свою совершили есте.
Радуйтеся, Христови оружницы вернии: радуйтеся, врага неустаннии запинатели.
Радуйтеся, пустыни сладкое прозябение: радуйтеся, воздержания неувядаемый цвете.
Радуйтеся, благодати сосуди избраннии: радуйтеся, веры подвижницы.
Радуйтеся, Сергие и Германе, отцы преблаженнии.

Кондак 4

Бурю противных ветров аще и воздвиже на преподобныя диавол, обаче потопити их не возможе, ниже града душевнаго их разорити. Тии бо щитом веры ограждшеся и мечь молитвы вращающе, вся стрелы лукаваго нетрудно угашаху, Христу поюще: Аллилуиа.

Икос 4

Слышана бысть, преподобнии, духовных подвигов ваших молва и молитвы непрестанное горение и жития вольное озлобление: не может бо град укрытися, вверху горы стояй. Сего ради, яко елени на источники водныя, вси алчущии покаяния и жаждущии правды, о Господе ревнующе, к вам притекоша, и се обитель святая создася и пустыня Валаамская аки град благоцветущь показася. Темже о множестве спасаемых веселящеся, воспеваем вам сице:
Радуйтеся, обители вашея первоначальницы: радуйтеся, великаго иноков сонма отцы.
Радуйтеся, покаяния от жизни своея проповедницы: радуйтеся, люботруднаго жития законоположницы.
Радуйтеся, яко на пажити спасительныя многи овцы изведосте: радуйтеся, яко Христа о множестве кающихся возрадовасте.
Радуйтеся, дух правый спасения в людех обновившии: радуйтеся, ревность о Бозе в сердцах унылых возжегшии.
Радуйтеся, душ христианских возстание: радуйтеся, спящих зле пробуждение.
Радуйтеся, к Небесному Царствию кормчии: радуйтеся, пестуни во Христа.
Радуйтеся, Сергие и Германе, отцы преблаженнии.

Кондак 5

Боготечныя яко звезды, на севере неба возшли есте, преподобнии, и светом веры и подвиг ваших страну Карельскую просветили есте, учаще приходящыя к вам люди суеверия и бесовския обычаи отложити и единаго точию Бога боятися и Ему единому служити, поюще Ему: Аллилуиа.

Икос 5

Видевше окрест себе чада своя, носящая ветви благодеяния, возвеселишася преподобнии и, яко венец жития, блаженную кончину улучивше, радующеся к небеси преидоша, обаче союза любве не расторгоша, ниже чада своя оставиша сира: не оскудеша бо и по смерти за ня Христу выну молящеся и во искушениих и бедах я назирающе и спасающе. Сего ради слышаху от них таковая:
Радуйтеся, в нуждах наших помощницы: радуйтеся, в скорбех утешители.
Радуйтеся, язв греховных целители: радуйтеся, бесовских наваждений отгнатели.
Радуйтеся, вы бо колена, унынием разслабленная, скоро укрепляете: радуйтеся, вы бо угасающыя светильники наша елеем молитв ваших исполняете.
Радуйтеся, страстьми порабощенных скории свободители: радуйтеся, подвижников ко спасению нелестнии вожди.
Радуйтеся, целомудрия нашего блюстители: радуйтеся, нестяжания известное правило.
Радуйтеся, крепкое наше ограждение: радуйтеся, непостыдное наше упование.
Радуйтеся, Сергие и Германе, отцы преблаженнии.

Кондак 6

Проповедницы Славы Божия и по смерти явистеся, преподобнии, от раки честных мощей ваших неоскудныя струи исцелений источающе и всем требующым различная дарования подающе, яже видевше чада ваша благодарно воспеша прославльшему вас Богу: Аллилуиа.

Икос 6

Возсиявше паки и паки слава ваша, преподобнии, и обитель ваша возрасташе и множашеся, аще и многаши нечестивии воеваху ю, храмы ея разоряюще и иноки избивающе и изгоняюще: от жива бо суща, аще и посечена, корене паки и паки леторасль восхождаше и многи добродетелей подвижники под сень свою собираше, да злостраждуще за Христа, в терпении стяжавают душы своя, вам же, яко первоначальником своим, воспевают сице:
Радуйтеся, светила веры, присно возсиявающая: радуйтеся, источницы молитвы, николиже оскудевшии.
Радуйтеся, хлебе сладкий ищущым покаяния: радуйтеся, питие безсмертное подвижником пощения.
Радуйтеся, вы бо бысте благодатное всем смиренным прибежище: радуйтеся, вы бо показастеся недвижное послушным утверждение.
Радуйтеся, изгнанным правды ради готовии спутницы: радуйтеся, обидимых за Христа сопричастницы.
Радуйтеся, нищих духом сожители: радуйтеся, кротких сердцем собеседницы.
Радуйтеся, злострадания живии образи: радуйтеся, терпения независтнии датели.
Радуйтеся, Сергие и Германе, отцы преблаженнии.

Кондак 7

Хотяще нечестивии свеи в конец веру православную истребити, обитель Валаамскую до основания истощиша, обаче светильника вашего угасити не возмогоша: инуде бо преставленный, паче возсия на свещнице высоце, да и тамо веселит чада церковная и пети Богу подвизает: Аллилуиа.

Икос 7

Новый Исраиль явишася духовная чада ваша, яже, многоцелебную раку мощей ваших на рамена восприимше, от губительства избегоша: ревноваху бо святыни не быти поруганней от поганых. Темже и в Новград притекоша, идеже всельшеся и мощем вас, отцев своих, приседяще, не престаша заповеди ваша хранити и воспевати вам сице:
Радуйтеся, сокровище наше некрадомое: радуйтеся, светильницы наши неугасимии.
Радуйтеся, вожди, николиже нас оставляющии: радуйтеся, наставницы, выну с нами сущии.
Радуйтеся, столпи света, путь к небеси нам указующии: радуйтеся, облацы благодати, от лести нас покрывающии.
Радуйтеся, Амалика всегубителя победнии борители: радуйтеся, фараона мысленнаго правиии обличители.
Радуйтеся, сланое море суеты добре прешедшии: радуйтеся, в пустыню страстей мужественно всельшиися.
Радуйтеся, небесныя манны причастницы: радуйтеся, нас грешных пред Богом споручницы.
Радуйтеся, Сергие и Германе, отцы преблаженнии.

Кондак 8

Странноприемый раку мощей ваших божественне возвеселися Великий Новград, собор святых своих две звезде приложивый, дивным светом чудес сияющыя и благодать исцелений неоскудно всем подающыя. Сего ради возопи: Аллилуиа.

Икос 8

Всецелою мыслию у Господа водворяющеся и зрением нетленныя славы Его наслаждаеми, не небрегли есте, преподобнии, о разорении святыя обители вашея, ниже потерпесте, да угаснет светильник, возжженный на Валааме: но неемииною печалию поболесте и молитвою помолистеся, да поруган будет диавол, зле совещавый на страну сию. Темже молитвою вашею воста от пепла обитель святая сия и ликующи честныя мощи ваша от Новаграда грядущыя сретает, вам же вопиет сицевая:
Радуйтеся, радости небесныя вестницы: радуйтеся, милости Божия посли.
Радуйтеся, славо наша, паки воставшая: радуйтеся, венче наш, нам паки возданный.
Радуйтеся, яко пришествием вашым вера правая паки зде утвердися: радуйтеся, яко светильник вечныя жизни паки во обители вашей возсия.
Радуйтеся, злаго на страну сию совета диаволя разрушение: радуйтеся, народа окрестнаго от рова ереси избавление.
Радуйтеся, Церкве Православныя новое торжество: радуйтеся, врат адовых вящшее посрамление.
Радуйтеся, ангелов горних высокая песнь: радуйтеся, земных человек ликование.
Радуйтеся, Сергие и Германе, отцы преблаженнии.

Кондак 9

Вся строяй о спасении человечестем, вдал еси, Христе, стража Дому Твоего во стране сей святую обитель нашу. Не попусти убо ю унынием воздремати, ни куплями житейскими отяготитися, ниже путь добрейший Креста Твоего оставити, но купно с преподобными Твоими да выну поет Ти: Аллилуиа.

Икос 9

Ветиям многовещанным века сего юродство есть еже мир возненавидети и плоть свою умертвити: недоумеют бо духовная духовными востязовати, ниже жизни сокровенныя во Христе постигнути, яже утаи Бог от премудрых и разумных и откры младенцем. Темже, преподобнии, яко Царствия Небеснаго наследницы и благодатныя радости общницы, молитвою вашею выну наставите нас, да тщетныя прелести жития сего избывше, невозвратным помыслом поприще наше течем, поюще вам таковая:
Радуйтеся, духовнаго любомудрия податели: радуйтеся, безстрастия сосуди.
Радуйтеся, чистоты сердечныя сокровища: радуйтеся, смирения зерцало.
Радуйтеся, вы бо мудрых мира сего явистеся посрамление: радуйтеся, вы бо юродивых о Христе бысте похвала.
Радуйтеся, яко вами врага низлагаем хотения: радуйтеся, яко вами суеты отреваем прилоги.
Радуйтеся, во бранех духовных нам пособницы: радуйтеся, во искушениих всемощнии заступницы.
Радуйтеся, обуреваемых пристанище: радуйтеся, немощных исцеление.
Радуйтеся, Сергие и Германе, отцы преблаженнии.

Кондак 10

Спасительный путь поста возлюбившии и ярем Христов на ся волею вземшии, приидите вси к сему тихому от бури греховныя пристанищу, в покаянии припадем к неослабным молитвенником нашым и отцем, яко молитвою их присно воздвизаеми, обрящем славу и воспоем: Аллилуиа.

Икос 10

Стена есте обители вашей и всем с верою к вам притекающым, преподобнии: вашим бо бодренным заступлением соблазны мира отгоняются и страстей взыграния угашаются. Темже молим вас: не отрините нас в немощех наших, во искушениих и скорбех. Внегда оскудевати духовней крепости нашей, не оставите нас, но будите нам присное защищение, покров же и отрада, да воспоем вам благодаряще:
Радуйтеся, пустынных тихое утешение: радуйтеся, уединенных тайное радование.
Радуйтеся, в молитве пребывающих незримии сомолитвенницы: радуйтеся, во благоговении сущих благодатни сподвижницы.
Радуйтеся, наставницы наши, имиже к совершенству призываемся: радуйтеся, отцы наши, имиже постничества желаннаго конца доспети уповаем.
Радуйтеся, крепосте наша, еюже стену греха нашего прейдем: радуйтеся, утверждение наше, имже тяготу злобы нашея отлагаем.
Радуйтеся, грехми обремененных любвеобильнии восприемницы: радуйтеся, кающихся тепле блазии ходатаи.
Радуйтеся, юноши к целомудрию возводящии: радуйтеся, старцем терпение подающии.
Радуйтеся, Сергие и Германе, отцы преблаженнии.

Кондак 11

Пению немолчному безплотных подражающе и на жестокое житие отцев наших взирающе, не обленимся, о братие: возлюбим в молитвах всенощное бдение, не устрашимся тленныя плоти утеснения, да преподобным нашым сопричастницы будем и со ангелы воспоем: Аллилуиа.

Икос 11

Светозарныя светильники, светом истиннаго благочестия северную страну сию просвещающыя, зрим вы, преподобнии: в земнем бо житии вашем многи от лести бесовския ко Христу приведосте, и по смерти токи благодатных дарований изливающе и обитель свою во благоговении и трудолюбии содержаще, православную веру зде утверждаете, и вся окрестныя люди духовным хлебом питаете, и от Люторова пагубнаго нечестия и тмы неведения избавляете. Сего ради приимите от нас сицевая:
Радуйтеся, истины нелестнии свидетелие: радуйтеся, мрачных суеверий отгнатели.
Радуйтеся, Силы Божия дивное явление: радуйтеся, благодати Христовы чудное знамение.
Радуйтеся, вами бо Царствие Божие в сердца многих прииде: радуйтеся, вами бо Денница истиннаго света во омраченных грехом возсия.
Радуйтеся, врачеве святии, сумнящихся душы благодатно исцеляющии: радуйтеся, пастырие добрии, овцы своя от челюстей звериных изимающии.
Радуйтеся, православным Христово благоухание: радуйтеся, еретичествующым смертная воня.
Радуйтеся, Карелии славнии апостоли: радуйтеся, Российския земли украшение.
Радуйтеся, Сергие и Германе, отцы преблаженнии.

Кондак 12

Благодатию Твоею божественною раздрав грех наших рукописание, благодать Твоего сыноположения обнови в нас, Слове Божий, и даждь нам прочее в покаянии благоугодити Тебе, да с преподобными Твоими воспоем Тебе: Аллилуиа.

Икос 12

Поюще пресланую память вашу, елико по силе нашей, восхваляем вас, преподобнии: вы бо, жертву чисту себе Христови принесше, всем вся бысте и всем просящым туне вся потребная подаете, да вси, благодарению поучившеся, в покаяние и исправление приидем, вас же воспоем сице:
Радуйтеся, смиренных мольбам вниматели: радуйтеся, убогих воздыхания послушатели.
Радуйтеся, вдов и сирот наказатели и кормители: радуйтеся, обидимых отрадо и утешение.
Радуйтеся, в нуждах и обстояниих сущих скорое и известное избавление: радуйтеся, всех к раце мощей ваших с верою притекающих независтное исцеление и спасение.
Радуйтеся, предстатели наши, умиленныя слезы наша приемлющии: радуйтеся, молитвенницы наши, во благих прошения верных исполняющии.
Радуйтеся, монашествующих всегда готовое прибежище: радуйтеся, мирских человек упование.
Радуйтеся, государства нашего крепосте: радуйтеся, Церкве Православныя удобрение.
Радуйтеся, Сергие и Германе, отцы преблаженнии.

Кондак 13

О всепетии и преславнии чудотворцы наши и молитвенницы, Сергие и Германе преподобнии! Нынешнее смиренное приношение от недостойных чад ваших приемше, от всяких напастей, скорбей и болезней, наветов вражиих и обстояний избавите нас, и в страшный час смертный будите нам крепцыи предстатели, яко да вечныя смерти избавльшеся, воспоем прославльшему вас Богу: Аллилуиа.
Этот кондак читается трижды, затем икос 1-й и кондак 1-й

Молитва преподобным Сергию и Герману, Валаамским чудотворцем

О велицыи отцы наши Христови угодницы, и теплии предстатели ко Спасу о душах наших, Сергие и Германе: вы бо в недузех целители явистеся, по морю плавающым кормчии, и утопающым благонадежное избавление, и от всякаго смертоноснаго нашествия хранители, паче же от духов нечистых свобождение и всяких наветов противу нас содержимых очищение и помощь. О преблаженнии отцы и чудотворцы преславнии, Сергие и Германе, молитеся к Владыце Христу о нас грешных: яко да вашими молитвами сподобимся в день Судный деснаго предстояния, и наслаждения во Царствии Божии во веки веков. Аминь.

Молитва иная

О преподобнии, богоноснии, всеблаженнии отцы наши, Сергие и Германе, зрителие Славы Божия в Небесном Царствии, не презрите нас грешных в нуждах и скорбех наших, но ускорите в помощь к вам прибегающым: приимите воздыхание и слезы, и вонмите смиренному молению нашему. Предстояще убо Небесному Царю, о всеблаженнии! Молите благость Его, еже ущедрити место селения вашего и всякому граду и стране ниспосылати обилие благ земных. Страждущую страну Российскую от лютых безбожник и власти их Господь да свободит, и да возставит престол православных правителей; верных рабов Его, в скорби и печали день и нощь вопиющих к Нему, многоболезный вопль да услышит и да изведет от погибели живот наш. Молите Его, еже нас всех в вере и добродетелех утвердити, избавляя присно от вожделений греховных, и от нападения видимых и невидимых врагов: обидимыя защитити, болящыя уврачевати, от томительства злых духов свободити, на мори плавающих спасати, путешествующым спутешествовати, и всякому верному в нуждах способствовати; яко Того вси есмы творение и Того есть Царство, и Сила и Слава во веки веков. Аминь.

Молитва третья

О преподобнии и богоноснии отцы наши Сергие и Германе! С верою и любовию припадающе к святей иконе вашей, умиленно молим вас: не забудите нас, недостойных и грешных (имена), но предстательством вашим оградите нас от злых козней вражиих, утолите возстание страстей, укрепите немощь нашу в духовных бранех и подвизех, предлежащих нам, отжените всякое уныние и печаль греховную от сердец нашых, и небесное утешение низпослите нам во трудех и скорбех наших. В страшный же час смертный предстаните всем нам, яко же блазии ходатаи и темных зраков демонских прогонителие: да в мире и покаянии скончавше земное поприще наше, достигнем и вечных благ наслаждения, и купно с вами да воспоем и прославим всесвятое имя Отца, и Сына и Святаго Духа, ныне и присно и во веки веков. Аминь.

 

Последние новости Нижегородской области по теме:
Акафист святым преподобным Сергию и Герману, Валаамским чудотворцам

Акафист святым преподобным Сергию и Герману, Валаамским чудотворцам - Женский монастырь Дивеево
Акафист святым преподобным Сергию и Герману, Валаамским чудотворцам - Арзамас
Акафист святым преподобным Сергию и Герману, Валаамским чудотворцам память: 11 июля (28 июня ст.
18:50 10.07.2018 Женский монастырь Дивеево
- Арзамас
Акафист святым преподобным Сергию и Герману, Валаамским чудотворцам память: 11 июля (28 июня ст.
18:21 10.07.2018 Женский монастырь Дивеево
 
По теме
В Нижнем Новгороде освящены купола и кресты строящегося храма в честь святителя Спиридона Тримифунтского - Нижегородская епархия Текст Марины Дружковой 19 сентября в Автозаводском районе Нижнего Новгорода на пересечении улиц Магистральной и Катерной состоялось освящение куполов и крестов строящегося храма в честь святителя Спиридона Тримифунтского.
19.09.2018
В воскресной школе при храме в честь иконы Пресвятой Богородицы «Умиление» Молитовского благочиния начался учебный год - Нижегородская епархия Текст Молитовского благочиния 16 сентября в воскресной школе для детей и взрослых при храме в честь иконы Пресвятой Богородицы «Умиление» Молитовского благочиния (Ленинский район Нижнего Новгорода),
19.09.2018
 
Нижний Новгород. 19 сентября. НТА-Приволжье – Освящение храма в честь святой мученицы Татианы состоится в Дзержинске Нижегородской области 20 сентября.
19.09.2018
Второй день Всероссийской научной конференции "Православие в поле действия политических идеологий XX века: русская религиозная мысль в поисках социального идеала" - Нижегородская Духовная семинария 19 сентября.в Нижегородской духовной семинарии продолжилась двухдневная всероссийская научная конференция "Православие в поле действия политических идеологий XX века: русская религиозная мысль в поисках социального идеала".
19.09.2018
 
В православном семейном центре «Ковчег» Молитовского благочиния прошла очередная встреча православной молодежи - Нижегородская епархия Текст Молитовского благочиния 14 сентября в православном семейном центре «Ковчег», действующем при Молитовском благочинии (Ленинский район Нижнего Новгорода), прошла очередная встреча активной православной молодежи.
19.09.2018
19 сентября. Воспоминание чуда Архистратига Михаила, бывшего в Хо́нех (Коло́ссах). - Женский монастырь Дивеево Память чуда, совершенного Святым Архистратигом Михаилом в Хонех (IV). Во Фригии, недалеко от города Иераполя, в местности, называемой Херотопа, находился храм во имя Архистратига Михаила; около храма истекал целебный источник.
19.09.2018
 
В Нижегородской духовной семинарии началась всероссийская конференция «Православие в поле действия политических идеологий XX века: русская религиозная мысль в поисках социального идеала» - Нижегородская епархия Текст Надежды Муравьевой 18 сентября в актовом зале Нижегородской духовной семинарии (НДС) началась всероссийская научная конференция «Православие в поле действия политических идеологий XX века:
18.09.2018
Всероссийская научная конференция "Православие в поле действия политических идеологий XX века: русская религиозная мысль в поисках социального идеала" - Нижегородская Духовная семинария 18 сентября.в Нижегородской духовной семинарии началась двухдневная всероссийская научная конференция "Православие в поле действия политических идеологий XX века: русская религиозная мысль в поисках социального идеала".
18.09.2018
 
В Карповской церкви Нижнего Новгорода совершен благодарственный молебен перед иконой Божией Матери «Неопалимая Купина» - Нижегородская епархия Текст отдела Нижегородской епархии по взаимодействию с Вооруженными силами и правоохранительными органами 17 сентября в Спасо-Преображенской (Карповской) церкви,
18.09.2018
Музей Патриаршества АрзВК в Н.о - УФСИН России Музей Русского Патриаршества – совместный проект Нижегородского государственного историко-архитектурного музея-заповедника и Нижегородской митрополии Русской Православной церкви.
18.09.2018
Духовник нижегородской православной гимназии имени святых Кирилла и Мефодия встретился с педагогами учебного заведения - Нижегородская епархия Текст Молитовского благочиния 14 сентября в православной гимназии имени святых равноапостольных Кирилла и Мефодия (Ленинский район Нижнего Новгорода) состоялась встреча духовника учебного заведения иерея Андрея Нагови
18.09.2018
 
Прощание с последней жертвой взрыва на Свердлова в Дзержинске состоится 19 сентября - Дзержинск.рф   В среду, 19 сентября, в Дзержинске в ДК имени Я. М. Свердлова состоится церемония прощания с Оксаной Тофэникэ, последней из пяти погибших при взрыве на заводе имени Я. М. Свердлова 31 августа.
17.09.2018 Дзержинск.рф
8 человек пострадали на до­рогах Дзержинска в течение прошлой недели. Всего за это время в городе зарегистрировано 42 дорожно-транспортных происшествия.
19.09.2018 Дзержинские ведомости
Всероссийская научная конференция "Православие в поле действия политических идеологий XX века: русская религиозная мысль в поисках социального идеала" - Нижегородская Духовная семинария 18 сентября.в Нижегородской духовной семинарии началась двухдневная всероссийская научная конференция "Православие в поле действия политических идеологий XX века: русская религиозная мысль в поисках социального идеала".
18.09.2018 Нижегородская Духовная семинария
19 сентября. Воспоминание чуда Архистратига Михаила, бывшего в Хо́нех (Коло́ссах). - Женский монастырь Дивеево Память чуда, совершенного Святым Архистратигом Михаилом в Хонех (IV). Во Фригии, недалеко от города Иераполя, в местности, называемой Херотопа, находился храм во имя Архистратига Михаила; около храма истекал целебный источник.
19.09.2018 Женский монастырь Дивеево
В воскресной школе при храме в честь иконы Пресвятой Богородицы «Умиление» Молитовского благочиния начался учебный год - Нижегородская епархия Текст Молитовского благочиния 16 сентября в воскресной школе для детей и взрослых при храме в честь иконы Пресвятой Богородицы «Умиление» Молитовского благочиния (Ленинский район Нижнего Новгорода),
19.09.2018 Нижегородская епархия
Фото Дмитрия Митрохина Приглашение на гастроли проект получил от руководителя Российского дома науки и культуры Павла Извольского.
18.09.2018 Нижегородская правда
Глеб Никитин пожелал Сватковскому успехов - Гипорт.ру Нижний Новгород. Губернатор Глеб Никитин пожелал экс-заместителю главы региона Дмитрию Сватковскому успехов на новом месте работы и выразил надежду на дальнейшее плодотворное сотрудничество с депутатом Госдумы РФ.
19.09.2018 Гипорт.ру
Нижегородские депутаты одобрили передачу дороги вдоль Волжской набережной в муниципальную собственность - НИА Нижний Новгород Фото: НИА "Нижний Новгород" НИА "Нижний Новгород" - Юлия Серебрякова Дума Нижнего Новгорода одобрила передачу дороги вдоль улицы Волжская набережная около стадиона и микрорайона "Седьмое небо" из областной в муници
19.09.2018 НИА Нижний Новгород
Нанеся 75 бросков по воротам «Ак Барса», хоккеисты «Торпедо» были близки к тому, чтобы отнять очки у чемпиона, однако уступили сопернику — 2:4 (1:2, 0:0, 1:2).
19.09.2018 Дзержинские ведомости
Фото из соцсети ВК Дина и Арина Аверины стали триумфаторами чемпионата мира по художественной гимнастике, который только что завершился в Болгарии, завоевав на двоих шесть золотых медалей.
19.09.2018 Нижегородская правда
СУ СК просит помощи в поисках ушедшей из дома в Автозаводском районе Нижнего Новгорода 16-летней девушки - НИА Нижний Новгород Фото: СУ СК РФ по Нижегородской области Следственное управление СК РФ по Нижегородской области обращается к нижегородцам для помощи в поисках ушедшей из дома в Автозаводском районе 16-летней Александры Кузнецовой.
19.09.2018 НИА Нижний Новгород
19 сентября состоялось заседание комитета регионального парламента по экологии и природопользованию.
19.09.2018 Законодательное Собрание